~@~ رباعيات... في ضمير صاحي .. و غيره مات ~@~

{1}

ياللي الغرور عَمَاك عن حقيقة
مش أي حدّ تِقدَرْ تِذِلــًُـه
عايش بتاكُل السُّحت طاغي
أنا لـُـغز صَعب إنــّك تِحلــُّـه

{2}

تِطحن ضلوعي عشان اللـُّقمة
و تبيع طحينها برُخص ترابْ
تِفرح لهمِّي بَدَلْ ما تشيلــُـه
و تسيبني أحْرقْ في الأعْصابْ

{3}

تسحب لي دمي و من شراييني
و تصُبّ غيره من ميّة باردة
تِحرمْني أسمع كام أُنشودة
تِجبـِرني أسمع هيفا ووردة

{4}

و بَدَل ما تِحلم تشوفني عالِم
تتمنّى أبقى خسيس و حَرامي !
وآكُل حُقوق ورشاوى و ظالِم
و أشوف غَلط وأكتِم في كلامي!!

{5}

لا دانت واهي و شكلك نايم
اصحى و شوف بتكلم مين
مصري فخور بالدِّين و حلالـُه
عايش في نوره بكل يقين

{6}

مهما حاولت و لو بخيالك
انسى و شوف غيري يا مسكين
و لا أنت و لا ألف بأمثالك
يقدر يهزّ ثبات الدِّين

{7}

تغور فلوس مش جاية بعَرَقِي
و تغور مناصِب مُش من حَقّي
حسابي حايكون إيه من ربي
يا بجنّة دايمة يا بنار وحرْقي

{8}

و إن كنت ناسي و لاّ مكَبّرْ
حاقول في وشّك الله أكبرْ
وأَطلب من اللي ادّاك يدِّيني
أصل اللي عنده أكثرْ و أكثرْ

{9}

كل اللي عايزُه منِّك تفكّر
مش أي رأي منّك يغيّر
و إن حد وافقك يبقى منافقك
اعمل بدينك مانتاش مُخيّر

{10}

عايش و عقلي برسالة عاشها
رغم الظروف و الحَوْجَة حايشها
أخلاقي مُش مُمكِن أبدّلــْها
طعْم الحلال أطعَم لي و أشْهَى

بقلم

فارس الكلمة

لاهمه الدنيا ولاهمه رضى الناس فيه
ولاهمه سوى خالقه والسعي لرضاه وجنته

ضمير حي هذا

والميت أني اراه عكس هذا

(ربي إني مسني الضر وأنت أرحم الراحمين)

طاقة من الصبر تهزم قوة من البلاء والدعاء سهم لا يخطىء

هنيئاً لنا مايجود به قلمك
فاكن هنا لنكون نحنُ من يقراء لك
ويتمتع بالقراءة

لاعدمناك

مهما حاولت و لو بخيالك
انسى و شوف غيري يا مسكين
و لا أنت و لا ألف بأمثالك
يقدر يهزّ ثبات الدِّين

يا جبل ما يهزك ريح

ولا يفكرو انهم يتحطموا بخلق الله طالما الخالق موجود

الف شكر لك مديرنا القدير ومتعك الله بقوة اللسان والتحدي بوجه الظالمين

بارك الله بك فارسنا

تحياتي لك ..

الله يسامح اللي تقصده
و يغفر لنا

شكرا لكي فارس على الرباعيات القوية

» رباعيات ×رباعيات