الفرق بين الزوجه السوريه واي زوجه اخرى..

الفرق بين الزوجه السوريه واي زوجه اخرى............

اذا وقع زوجها عن الدرج:
السوريه : ‏ولي على آمتي، سلامتك حبيبي أنشاء الله ، انا ولا ‏انتا ابن عمي ( ميته خوف عليه )
غير السورية : شو مالك دخت ؟ الله ما برمي الناس بحجار خطيتى الله لا يردك ( بتستناه يموت علشان تورث)

اذا الزوج بدو يسافر:
السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا س نه الله لايحرمنا من دخلتك علينا، أولي على آمتي، تروح وترجع بالف سلامه
غير السورية :أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد )

إذا الزوج تأخر بره فى شغل او مع صديق:
السورية : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام )

غير السورية : شرّفت !! وين كاين؟ مهو أنا كاينه كنبايه في الدار، طول نهاري هون !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت ( لا تعليق)

إذا طلبت شى منه :
السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.
غير السورية : إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى مرة)

إذا جابلها هدية :
السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري
غير السورية : والله غاب وجاب، وياما جاب الغراب لمه، من وين جايبها وقديش ثمنها هاي، الله يقطع هيك ذوق مش لو جبتلنا اكلة للدار أحسن ( حسبي الله )

اذا بدك شي منها :
السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي
غير السورية : مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى اففففف اففففف.

لو طلبت منها فنجان قهوة :
السورية : من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس )
غير السورية : بدك قهوة ؟ هي اخوانك مرميين فى الحوش روح اشرب معهم، وللا أقلك روح عنك امك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة )

اذا حكالها (بدك شي؟) وهو طالع :
السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ ( بتكون غبى لو طلعت وتركتها )
غير السورية : لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.

الذوق والتنويع فى الاكل:
السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.
غير السورية : لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك

بسمة امل

إذا جابلها هدية :
السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري
غير السورية : والله غاب وجاب، وياما جاب الغراب لمه، من وين جايبها وقديش ثمنها هاي، الله يقطع هيك ذوق مش لو جبتلنا اكلة للدار أحسن ( حسبي الله )

اختي بسمة امل

هاي الجمله بالذات ضحك عليها من قلبي

بس جد قويه كثير يعني مو بس السوريات اللي بحكوا حلو !!!

هههههه

عالعموم مشكوره لكلامك الحلو

فداؤك يا فلسطين

اهلا بك اختي

فعلا موضوع الهدية مهم كثير ههه

حتى باقي الامور هامه وهي موجوده عند كل نساء حوا حتى السوريات

الا انها كانت دعابه منهم

بارك الله بك

تحياتي لك ..

بدك تعيش عيشة هنية تزوج وحدة شامية

هههههههههههههههه

هلأ هيك رأيك

اخي ايمن

صارت العيشة ما بتهنى الا مع الشاميه

وباقي الستات وين يروحوا !!!!!

هههههههه

بارك الله فيك

وشاكره تعليقك الجميل

تحياتي لك ..

اذا الزوج بدو يسافر:
السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا س نه الله لايحرمنا من دخلتك علينا، أولي على آمتي، تروح وترجع بالف سلامه
غير السورية :أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد )

أضحك الله سنك أختي بسمة
وأسعدكِ

ليش هالفروق هيك أمول حتشجعي شبابنا على الذهاب لسوريا علشان تؤبرني إبن عمي بيحكن حلو ماله دلع بنات عمان شومالك يازلمه وين بدك تغور فعلا في فرق

تسلمي بسمة المنتدى على ضربة غير السوريات بموضوعك الجميل

اختي زوجة الامير

بارك الله بمرورك

واضحك الله سنك وسننا

وسعيده ان الكلمات اعجبتك

تحياتي لك ..

اعذرينا يا اخت اماني الحب

هي مقوله وطلعوها انه بنات الشام احسن شي

بس بدي اطمنك انه احنا النا ضلع كبير فيهم

مو احنا من بلاد الشاااااااااااام

واذا بدك الحق احنا اللي علمناهم هالحكيات الحلوات

بس حبينا نكون مميزيين

ههههههههههههههههه

تحياتي لكم ..

» الفرق بين اللغة واللهجة ,,,,
» الفرق بين العرب والغرب
» الفرق بين الحياة والموت
» الفرق بين خمر الدنيا والآخرة
» الفرق بين الموت و الوفاة