بدي كااااااش!!!

هاد مرة موظف وقف عند السمان يلي بيحارتو واشترى شوية غراض
ولما طلب من السمان أنو يسجلهن عليه بالدين رفض السمان

وقلو ما بتعامل انا إلا بالكاش موني

فقلو الموظف متعجب : بدك كاش؟؟

قلو السمان أي ليش لأ؟

فجاوبو الموظف

الكاش غير متوفر بالأسواق المحلية

لأنه تجمع بأيدي شلة من الحرمية

والحرمية صارو كتار

والكترة غلبت الشجاعة

والشجاعة كنز لا يفنى

والكنز موجود بالمغارة

والمغارة ما بتفتح إلا لعلي بابا والأربعين حرامي

والأربعين حرامي صارو ملايين

والملايين عم تندفع لضعاف النفوس رشوة

والرشوة صارت حق

والحق يا حسرتي ضاع

والأكل ما عاد منو غذاء

والغذاء مقابل النفط

والنفط جاب البلا على روسنا

وروسنا تمرمطت بالأرض

والأرض مقابل السلام

والسلام صار استسلام

والاستسلام ضيّع الكرامة

والكرامة خسر أدام الوحدة

والوحدة صارت حلم

والحلم سيد الأخلاق

والأخلاق تحولت لنفاق

والنفاق جمع نفق

والنفق لازم يتكمّل

ولحتى يتكمّل بدو متعهد بناء صالح

وصالح ما عاد بهالأيام

وبهالأيام صارت المفاهيم مقلوبة

والمقلوبة بدها بيتنجان ولحمة

واللحمة ماعادت تفوت لبيت الفقرا ولو نطحو الحيطان

والحيطان صار ألها أدان

والأدان معبية البلد

وهالبلد صار في أكل هوا

والهوا صار في تلوث

والتلوث عشعش بالنفوس، والسجل المدني والقضاء

وللقضاء على القضاء صار بدو قضاء وقدر

والقدر علينا مكتوب

والمكتوب ما في منو هريبة

والهريبة تلتين المرجلة

والمرجلة ما عادت لكل واحد

وكل واحد ألو ساعة

والساعة أتية لا ريب فيها

يوم يأخذ كل ذي حق حقه اللي شفط منه في الدنيا

وعلى الدنيا السلام مشان الحصول على الأختام

والأختام عند المدام

والمدام كانت شامية وهلأ صارت روسية شقرا

والشقرا بتهز الأرض

والأرض بتتكلم عربي

والعربي ماحدا بيقدر عليه غير الله

والله اذا منضل على هالحالة لتسحبنا الكلاب

والكلاب أحسن من البني آدم

وآدم علق علقة مع حوا

وحوا ما بتعرف غير كلمة بدي

وبدي ألعن أبو هالحالة

بطلت اشتري !!!!!!!

الكرامة خسر أمام الوحدة{ قوية}
النفاق جمع نفق { قوية ايضاً

ياله من موظف حكيم
جمع كل هذه الأحوال بتسلسل قوي ظريف

شكراً جزيلاً لكم
مديرتنا الفاضلة بسمة أمل
و جزاكم الله عنا كل خير
و لا حرمنا لذائذ طرحكم

فارس

على هيك اكيد البياع غضب على نفسه بسبب طلبه بدوه كاش وطبعا الموظف مشحر ما صدق وانه حد ينقشه علشان يطلع كل يلي بداخله عنجد احنا عرب وما حد بيطلع معنا براس وما اتوقعت يبطل يشتري اتوقعت صاحب البقالة يسامحه بالمتقدم والتأخر بس اكتشفت انه صاحب البقالة كمان هو عربي جدا عجبتني وشدتني لنهايتها وكل سطر بيحكي عن مر عايشينه واحنا بإدينا قيدنا حالنا بهيك مر الله يفرجها علينا وعليك يابسمة المنتدى ويبسط ايامك بالحب والخير كل موضوع بتتحفينا فيه بكون اجمل واروق من الا قبله وكل بعود علينا بالخير والحب والفائدة بتعم تسلمي بسومتنا
وانا بدي كاش

ههه جزاك الله كل خير

فارس الكلمه

سعدت بمرورك وتعليقك الجميل جدا

بارك الله بك

تحياتي ..

اختي اماني الحب

اسعدك الرحمن يا غاليه

كم سعدت بمرورك الطيب وتعليقك الظريف نعم اختي هو حال المواطن العربي

نصرهم الله بكل مكان وكان الله بعونهم على الصعاب التي يواجهونها

جزيتي كل خير

تحياتي ..

والله عنده حق .. شكله طهقان في عيشته زي اغلب الناس
الف شكر لكي مديرتي بسمة
وبارك الله فيكي
ويعطيكي العافيه