الفرق بين نساء الامس ونساء اليوم

إليكم هذا الحوار بين إمرأة أيام زمان وزوجها

الزوج: مرحبا يامرة… شو عاملتينا عشا اليوم؟

الزوجة: - يه يه يه… تقبر عضامي… إجيت حبيبي؟!! تقبرني شو حركتك خفيفة ومابتزعج حدا… لك حلّت البركة على أرض الديار يا روحي…طابختلك ويالنجي وكبة لبنية تقبشني …

الزوج: - يا الله يالله بلا كتر غلبة، قومي حطي الأكل قومي..

الزوجة: - لك إي مو تكرم ابن عمي… مو تكرم… لك من هالعين هَي قبل هَي …

الزوج: - ناموا الولاد؟

الزوجة من المطبخ: - ناموا حبيبي ناموا على عشية، وحميتلّك الحمام ياعمري …

الزوج بعد أن يرى أصناف المائدة أمامه: إيييييييييييييييييييييييه .. باين السهرة رح تحلى اليوم…

يمضغ اللقمة الأولى ويقول: - ممممممممممممم طيبة هالكبة طيبة!!!

الزوجة رافعة يدييها للسماء: - لك روح… ربي مولايي يبيضلك أيامك… ويبعد عنك ولادين الحرام يا حق ..

ينهي الزوج طعامه قائلاً: - الحمد لله…

الزوجة: - عجبك الأكل يا عمري …

الزوج: - إي والله… تسلم إيديكي… تعبتك معي..

الزوجة مرتبكة من الفرح: - عجبك الأكل؟؟!… لك تطلع على قبري شو إنّك هني وبتعرف تحكي… لك تكفنّي بإيديك على هالكلام الحلو يا حق.. بكرة بدي أعملّك محشي وبطاطا بالفرن إي بدك تاكل أصابيعك وراهن… بعدين شو تعبتني وما تعبتني؟!… ليش أنا عندي غيرك بالدنيا يا حبيبي؟!!، لك تشكل آسي ياحق …

الزوج وهو ينشّف يديه بعد غسلها: - جاهز الحمام يا مرة ؟؟

الزوجة بخجل… وبابتسامتها الحلوة : - ولَو تقبشني… ولَو!!! وحطيطيلك صابونة غار من يللي جابتهم أمك تقبرني..

وإليكم هذا الحوار بين إمرأة اليوم وزوجها

الزوج: - مرحبا يا حلوة… شو عاملتينا عشا اليوم؟

الزوجة متلقحة على الكنبة وبيدها جريدة: - شو إيمتى جيت؟؟ مبكّر مو على عادتك يعني… على كلٍ عملتلك مجدرة برغل وعدس… شو بدي أطبخلك يعني؟! مو مبارح أكلت لحمة بالصينية؟؟ …

الزوج: - يا الله تقبشيني، قومي حطيلنا الأكل لناكل..

الزوجة: - ليكو الأكل عندك بالمطبخ… وين بدو يروح يعني؟؟!! كمان بدي جبلك الأكل لحد عندك؟ !

الزوج باتجاهه إلى المطبخ: - ناموا الولاد على حد علمك؟

الزوجة: إي شو نيّمهم هلق وبكرة عندهم عطلة؟؟؟ …

الزوج يحدث نفسه من المطبخ: العمى شو هالمجدرة؟؟!!!!!…

يمضغ اللقمة الأولى ويقول: - إي والله كأني عم آكل بحص مو برغل!!!

الزوجة : - شو عم تبَروِت يا رجال؟؟

ينهي الزوج طعامه قائلاً: آ…؟؟ مو شي حبيبتي… موشي…

الزوجة: - عجبك الأكل؟

الزوج بإحباط: - إي طبعاً طبعاً… تسلم إيديكي…

الزوجة بتأفف: - معناها كل يوم بعملك منها إذا حبيت…

الزوج وهو ينشّف يديه: جاهز الحمام يا ترى؟؟

الزوجة ترمي الجريدة أرضاً صارخة في وجهه: - العمى على هالقصة… طبختِ يامرة؟…
ناموا الولاد يامرة؟…جاهز الحمام يا مرة؟… إي شو أنا ما عندي شغل غيرك؟؟؟ ورصاص

والله يا اخت هاله

فعلا فرق كبير بين النساء

ههههههههه بس بجد اضحكتينا

نشكر لك حسن الاختيار

صدقت جدتي

الآن جيل الجالكسي والببسي

سوا كان زوجة ام زوج

هم يضحك و هم يبكي
شكرا لك

اهلا وسهلا بالجميع

شكرا لمروركم جميعا

فداؤك يا فلسطين

وزوجة الامير

واخي السامر

كم اسعدني هذا المرور

اختكم هاله

مشكورة اختي هالة
الله يرحم ايام زمان وأهل زمان

اهلا اخي ايمن

شكرا لك لزيارتك لصفحاتي

ما عاد زي نسوان وازواج زمان

إذاً أختي فهناك خلل واضح
و السؤال هنا
ما الذي أعْوَجَ ما استقام؟؟؟؟
ما السبب وراء التحول؟؟
أهي الحالة الاقتصادية؟؟
أهو البعد المتدرج و المستمر عن تعاليم ديننا الحنيف؟؟
أم هو التقليد الأعمى للسلوكيات الغريبة على المرأة العربية؟؟؟
أم هو الاستماع للثالح و الطالح و التطبيق الفوري دون وزن أو احتواء؟؟؟

بحق أختي موضوعك أصاب عصب موضوع في غاية الخطورة
مع خفة الظل الرائعة التي اعتدناها منك

فلك مني جزيل الشكر اختي هالة
تسلمين

فارس

اهلا بك اخي فارس الكلمه

نعم هو موضوع هام بين الفرق في زوجات الامس

وزوجات اليوم

ايضا" والهام هنا ان الرجال تغيروا كذلك

وبعدنا ربما عن الدين ، والانفتاح الكبير الذي نعيشه في تطور هذه الايام

نرجوا من الله الرحمه والمغفره

كل الشكر لمرورك